အမေ
ခံယူချက်အပြည့်နဲ့ ဘဝကိုစတေးခဲ့တဲ့ အမေ
မှောင်မိုက်နေတဲ့သားတို့ ကို ရောင်နီသဖွယ်လမ်းပြခဲ့တဲ့အမေ
ဝံပုလွေတွေကြားမှာ ခြင်္သေ့တစ်ကောင်လို ရဲရင့်တဲ့အမေ
အမေ
အမေ့ရဲ့ ခံယူချက်
အမေ့ရဲ့ ညွန်ကြားချက်
အမေ့ရဲ့ သတ္တိတွေ နဲ့
သားတို့ လူလားမြောက်ခဲ့ပြီ အမေ
အရာရာရှင်သန်ခွင့် မရှိတဲ့ ကန္တာရမှာ
အမေဟာအိုအေစစ်ပါပဲအမေ
လူဖြစ်ပေမယ့် လူဖြစ်ခွင့်မရှိတဲ့ဘဝတွေ
ဖေါက်ထွက်ခြင်ပေမယ့် ဖေါက်ထွက်ခွင့်မရှိတဲ့ ဘဝတွေ
ဘဝတွေ ဘဝတွေ စတေးခဲ့ရပြီ အမေ..
အမေ
သားတို့ကို အမေကြည့်ပြီး တိတ်တခိုးကျနေမယ့်
အမေရဲ့ ရင်ထဲက မျက်ရည်တွေကို သားတို့ တွေ့နေရတယ် အမေ
မဝေးတော့တဲ့တစ်နေ့မှာ
အမေ့ဆန္ဒတွေ ပြည့်ဝမှာပါ အမေ
အမေ့ ယုံကြည်ချက်တွေ ပြီးပြည့်စုံတော့မှာပါ အမေ...
အမေအမြန်ဆုံး လွတ်မြောက်နိုင်ပါစေ......
မင်းမြတ်ဘုန်း
ဆက္ဖတ္ပါ...
ျပန္ေခါက္ထားပါ...
ပြာဖြစ်သွားတဲ့ညတစ်ညကို
ကောင်းကင်မှာဖြန့်ကြဲလို့
ရင်ခုန်သံတွေကို
အငမ်းမရမျိုချ
ရူးသွပ်သွားတဲ့
ငါ့အိပ်ယာပေါ်မှာ
တွန်ကြေသွားတဲ့ လရောင်ကို
ညင်သာစွာထွေးပွေ
ငါရုန်းထခဲ့တဲ့ နွံထဲမှာ
ပိုင်ဆိုင်တာဆိုလို့ ဘားမှမရှိ
ပေးဆပ်မှုတွေကတော့
မကုန်မခန်းနိုင်
လွတ်လပ်မှုကို ဖမ်းဆုပ်
ငါတူးဖေါ်ခဲ့တဲ့ ဒသနတွေက
အခန်းထောင့်မှာ အစီအရိ
လဲသူလဲ ကွဲသူကွဲနဲ့
ညီမျှမှုဆိုတာ ဘာလဲ
အော်... အတ္တ
ဆက္ဖတ္ပါ...
ျပန္ေခါက္ထားပါ...
ချစ်သူရေ
လက်ဖဝါးတွေ ဆုပ်ကိုင်ရင်း
ကိုယ်တို့တွေ ကြယ်တွေဆွတ်ခူးကြမယ်။
အနာဂါတ်ဆိုတာကလည်း
မင်းရှိမှ ပြည့်စုံလာမှာပါပဲ။
အိပ်မက်ကလေး ငါ့ရင်ထဲမှာ
ကြိုးတန်းလန်းနဲ့ ခိုတွဲနေတယ်။
ဟိုးမှာ ကြည့်စမ်း
တောက်ပတဲ့ ငါတို့ နေ့စွဲတွေ
မင်းမြင်ကြည့်လိုက်စမ်းပါ
ငါဟာ မင်းအတွက် သူရဲကောင်းတစ်ယောက်ပါပဲ။
ငါဘာမှမတောင်းဆိုလိုပါဘူး။
မင်းငါ့နားမှာ ရှိနေဖို့တစ်ခုပါပဲ။
(BLUEANGEL)
ဆက္ဖတ္ပါ...
ျပန္ေခါက္ထားပါ...
