အေးအတူ ပူအမျှ

အေးအတူ ပူအမျှ ဆိုတဲ့ ချစ်စရာ ဟာသလေးကို သဘောကျလို့ မနှင်းပွင့်ဖြူလေး ဆီကနေ ကူယူ ဝေမျှလိုက်ပါတယ်။ အားလုံးပဲပျော်ရွှင် နိုင်ပါစေ။


ချမ်းအေးတဲ့ ဆောင်းတစ်ညနေခင်းမှာ အဘိုးနဲ့အဘွားတို့ စုံတွဲဟာ မက်ဒေါ်နယ် စားသောက်ဆိုင်ထဲကို ခပ်ဖြည်းဖြည်း ၀င်လာပါတယ်။

အဲ့ဒီအဘိုးအဘွားစုံတွဲ ၀င်သွားတဲ့အချိန်မှာ ဆိုင်က လူတွေတော်တော်ပြည့်နေတယ်။ ငယ်ငယ်ရွယ်ရွယ် မိသားစုတွေ၊ ပျိုပျိုမျစ်မျစ်စုံတွဲတွေနဲ့ ပြည့်နေတဲ့ကြားက အဘိုးအဘွားစုံတွဲအတွက် ထိုင်စရာ စားပွဲလွတ်တစ်နေရာကို တွေ့သွားကြတယ်။

စားသောက်နေတဲ့ လူတစ်ချို.က အဘိုးနဲ့အဘွားကို အားကျတဲ့ အကြည့်တွေနဲ့ကြည့်ပြီး သဘောတွေကျနေကျတယ်။ ကြည့်စမ်းပါဦး သည်အဘိုးကြီးနဲ့ အဘွားကြီး ကြည့်ရတာ နှစ်ပေါင်း ၆၀လောက် အတူနေခဲ့ကြပုံရတယ်နော်၊ သိပ်ကြင်နာတာပဲ ဆိုတဲ့ မျက်လုံးမျိုးတွေနဲ့ပေါ့။

နေရာယူပြီးတဲ့အခါ အဘိုးကြီးက ပိုက်ဆံပေးရတဲ့ ငွေသိမ်းစားပွဲကိုသွားပြီးစားစရာတွေကိုမှာတယ်။ အဘိုးကြီးက ငွေရှင်းပြီးတဲ့နောက် စားစရာတွေကို ဗန်းကလေးနဲ့ ထည့်ယူလာပြီး အဘွားကြီးဆီပြန်လာတယ်။

စားပွဲဆီ ပြန်ရောက်တော့ စားစရာတွေကို ဗန်းပေါ်ကနေ စားပွဲပေါ်နှစ်ယောက်သား ပြောင်းနေရာ ချလိုက်ကြပါသေးတယ်။

စားစရာတွေကတော့ ဟမ်ဘာဂါ အသားညှပ်ပေါင်မုန့် တစ်လုံးရယ်၊ အားလူးချောင်းကြော်တစ်ပွဲနဲ့ ဖျော်ရည်တစ်ခွက်ရယ်။

နေရာချလိုက်ပြီးတဲ့အခါ ရေပါးစက္ကူနဲ့ ထုပ်ထားတဲ့ ဟမ်ဘာဂါကို အဘိုးကြီးက ဖြေလိုက်ပါတယ်။ ပြီးတော့ နှစ်ပိုင်း အညီအမျှ ဖြစ်အောင် သေသေချာချာ ဂရုတစိုက် ပိုင်းလိုက်တယ်။ ပိုင်းလို့ရတဲ့ တစ်ဝက်ကို သူ့ ဇနီးသည် အဘွားကြီးရှေ.မှာ ချပေးလိုက်တယ်။

ပြီးတော့ ပန်းကန်ထဲက အားလူးချောင်းကြော်တွေကို အဘိုးကြီးက သေသေချာချာ ရေကြည့်လိုက်ပြန်တယ်။ ပြီးတော့မှ နှစ်ပုံအညီအမျှ ခွဲဝေလိုက်ပြီး တစ်ပုံကို သူ့အဘွားကြီးရှေ.မှာ ချပေးလိုက်ပြန်တယ်။ ပြီးတော့ ဖျော်ရည်ကို တစ်ငုံသောက်တယ်။ သူသောက်ပြီးတဲ့အခါ အဘွားကြီးကို ဖျော်ရည်ခွက်လေး ကမ်းပေးတော့ အဘွားကြီးကလည်း တစ်ငုံသောက်တယ်။ ပြီးတော့ ဖန်ခွက်ကို သူ့တို့နှစ်ယောက်ရဲ. အလယ်တည့်တည့်မှာ ချထားလိုက်တယ်။

ဖျော်ရည် တစ်ငုံဆီသောက်အပြီးမှာ အဘိုးကြီးက စ စားနေပါပြီ။ သည်အခါမှာတော့ ဆိုင်ထဲမှာရှိတဲ့ တစ်ခြားစားသုံးသူ ပရိသတ်ရဲ. ရင်ထဲမှာ တစ်မျိုးဖြစ်လို့လာခဲ့ပြီ။ သနားစရာ ကောင်းလိုက်တာနော်။ အဘိုးနဲ့အဘွားခများမှာ တစ်ယောက်စာလေးပဲ မှာစားနိုင်ကြတယ် ဆိုတဲ့ အတွေးကလည်း လူတိုင်းရဲ.ရင်ထဲမှာ မွနေမှာပါ။

အဘိုးကြီးက ဟမ်ဘာဂါကို စားပြီးနောက် အားလူးချောင်းကြော်တွေကို ကောက်ဝါးတဲ့ အချိန်မှာတော့ စားသုံးသူများထဲက မနေနိုင်ရှာလေတဲ့ လူငယ်တစ်ယောက်က ထပြီး အဘိုးအဘွားတို့ စားပွဲကို သွားလိုက်ပါတော့တယ်။ အဘိုးတို့ ၊ အဘွားတို့ နောက်ထပ် တစ်ယောက်စာ ၀ယ်ကျွေးပါရစေ။ ဒါနပြုပါရစေလို့ ချေချေငံငံ ပြောလိုက်တယ်။

အဘိုးရော အဘွားပါ နေပါစေကွယ်၊ တို့များ လုံလောက်ပါတယ် လို့ပြောတယ်။ အဘိုးတို့ နှစ်ယောက်က ဘာမဆို နှစ်ယောက်အတူ မျှဝေခံစားနေကျကွယ့် လို့လည်း ပြောလိုက်သေးတယ်။

တစ်ဆိုင်လုံးမှာရှိတဲ့ ပရိသတ်အနေနဲ့ကတော့ အဘွားကြီးဟာ အခုချိန်ထိ တစ်ဖဲ့တစ်ကိုက်မှ မစားသေးတာ တွေ့နေရပါတယ်။ အဘွားကြီးက အဘိုးကြီးရှေ.မှာ ငုတ်တုတ်ထိုင်လို့ အဘိုးကြီးစားသောက်နေတာကို ပီတိမျက်လုံးတွေနဲ့ ကြည့်နေတာကို တွေ့ရတယ်။ တစ်ခါတစ်လေတော့ အဘိုးကြီးနဲ့အတူ ဖျော်ရည်လေး တစ်ကျိုက်ဆီ သောက်တဲ့အခါမျိုးတော့ ရှိသပေါ့။ ဒါကလွဲရင် အဘွားကြီးက စားကို မစားသေးဘူး။

မနေနိုင်လူငယ်မှာလည်း ပိုလို့တောင် မရိုးမရွဖြစ်လာပြီ။ အဘုိးတို့ အဘွားတို့ရယ် ကျွန်တော်ဘယ်လိုမှ မကြည့်ရက်လို့ပါ။ ကျွန်တော့်ကို ဒါနပြုခွင့်ပေးပါလား ခင်ဗျား လို့ လည်း ထပ်ပြောလိုက်တယ်။ သည်တစ်ခါ မှာတော့ အဘွားကြီးက ဖြေပြန်တယ်။ နေပါစေ မောင်ရယ်၊ အဘွားတို့နှစ်ယောက်က ဘာကိုမဆို နှစ်ယောက်အတူ မျှဝေခံစားနေကျကွဲ. တဲ့။ ဒါနဲ့ လူငယ်လေးခမျာလည်း သူ့စားပွဲကို ပြန်လာခဲ့ရပြန်တယ်။

တိုတိုပြောရရင် အဘိုးကြီး စားလို့ သောက်လို့ ပြီးသွားပြီရော ဆိုပါစို့။ အဘိုးကြီးက သူ့နှုတ်ခမ်းကို စက္ကူလက်သုတ်ပ၀ါလေးနဲ့ ကျကျနန သုတ်သင်သန့်စင်နေပြန်တယ်။ အဘွားကြီးကလည်း ခုထက်ထိ သူ့ရှေ.က စားစရာတွေကို မစားသေးပဲ အဘိုးကြီးကိုပဲ ရွှန်းရွှန်းစားစား ကြည့်နေတုန်းရယ်။

မနေနိုင်သူ လူငယ်လေးလည်း မအောင့်နိုင်တဲ့ အဆင့်ကိုပြန်တော့တာမို့ သူတို့စားပွဲကို ကူးလိုက်ပြန်တယ်။ တတိယအကြိမ် အဖြစ် သူ့ကို တစ်ယောက်စာ ၀ယ်ယူလှူဒါန်းခွင့်ပေးဖို့ အနူးအညွတ် တောင်းပန်ပြန်တယ်။ သည်တစ်ချိန်မှာလည်း မလိုအပ်ကြောင်း ၊ သူတို့မှာ ပြည့်စုံကြောင်းကိုပဲ အဘိုးနဲ့ အဘွားက ချေချေငံငံ ပြန်ဖြေပြန်တယ်။

နောက်ဆုံးမှာတော့ မနေနိုင် မအောင့်နိုင်သူ လူငယ်က တည့်တည့်ပဲ မေးချလိုက်ပါတော့တယ်။

အဘွားရယ် ........ ခုထက်ထိ အဘွားတစ်လုတ်မှ မစားသေးတာ ဘာကြောင့်ပါလဲ ခင်ဗျား၊ အဘွားပြောတော့ အဘွားတို့ နှစ်ယောက်ဟာ ဘာကိုမဆို မျှဝေခံစားနေကျဆို။ ခုကျတော့ အဘိုးက စားလို့တောင်ပြီးသွားပေမဲ့ အဘွားက တစ်လုတ်တောင်မှ မစားရသေးဘူး။ အဘွားက ဘာကို စောင့်နေပါလဲ ခင်ဗျား.................

အဘွားကြီးက လူငယ့်အမေးကို သူ့ထုံးစံအတိုင်း ချေချေငံငံ ပြန်ဖြေပါတယ်။


" သွား ပေါ့ သားရယ်......... သွား ကို စောင့် နေ တာ ပါ ကွယ့် "................ တဲ့ ။