ချစ်သူများအတွက် ချစ်သူများနေ့ အမှတ်တရ (၂)

.
လှောင်တာလေလား
ပန်းခြံတစ်ခုအတွင်းတွင် ချစ်သူနှစ်ဦး အချစ်ထူနေကြ၏ ။ ချစ်စကားလေးတွေကလည်းတီတီတာတာပေါ့ ။
"ဟိုအရင်ကလေ မောင်က တစ်ယောက်တည်းသီသန့်နေရတဲ့ဘဝကို သိပ်မြတ်နိုးတာ၊အခုတော မောင့်စိတ်တွေ ပြောင်းလာရပါပြီး မောင့်အတွက် သစ္စာရှိတဲ့ အဖော်တစ်ယောက်ကို လိုချင်လာပြီး။ အလုပ်ကနေ အိမ်ကိုပြန်လာပြီးဆိုတာနဲ့ ကြိုနေမယ့်သူ တစ်ဦးဦး ရှိနေစေချင်ပြီး။ အင်မတန်ချစ်တဲ့ မျက်လုံးအစုံးနဲ့ မောင့်ကို ကြည့်မယ့်တစ်စုံတစ်ဦးကို ပိုင်ဆိုင်ချင်လာတယ် "
မိန်းကလေးက ပြုံးပြီး ချက်ချင်းပြန်ပြော၏ ။
"လာမောင်၊ ခင်တို့ အိမ်မွေး တိရိစ္ဆာန်ဆိုင်သွားပြီး ခွေးလေးတစ်ကောင် သွားဝယ်ကြမယ်နော် " တဲ့ ။။

လက်တွေ့သမားကွ
"ရှင်က ကျွန်မကို တကယ်ချစ်လို့လား "
"ချစ်တာပေါ့ "
"ကျွန်မသေရင် ရှင်ငိုမှာလား"
"ဘယ်လောက်ငိုမှာလဲ၊ မယုံဘူးနော်၊ လက်တွေ့ငိုပြ "
"ဒါဆိုရင် အရင်သေပြလေ"

ရေလာမြောင်းပေး
"ရှင်ကျွန်မကို နမ်းနေတာ ဖေဖေမမြင်စေနဲ့နော် "
"ကိုယ်မင်းကို မနမ်းရပါလား"
"ဟုတ်ပါတယ် ၊ တကတည်းမှပဲ... နမ်းမယ်ဆိုရင်ပြောတာပါ "

ဟိုတယ်နှလုံးသား
"ကျွန်မမှာ ဟိုတယ်လိုနှလုံးသားရှိပါတယ်နော် "
"ဘာကိုပြောတာလဲဟင် ၊ ကျွန်တော်နားမလည်းဘူး"
"နောက်တစ်ယောက်အတွက် အမြဲတမ်း အခန်းရှိနေတယ်လေ"

နွားတစ်ကောင်၏ မှတ်တမ်း
ချစ်သူ့အိမ်မှာ ကျွန်တော်ရောက်နေ၏ ။ ကျွန်တော်တို့နှစ်ယောက် ဆိုဖာကြီးပေါ်မှာ အတူယှဉ်တွဲ ထိုင်ကြ၏ ။ ကျွန်တော်က ချစ်သူကို တင်းတင်းကျပ်ကျပ်ဖက်လိုက်၏ ။ချစ်သူကလည်း ကျွန်တော်ကို တင်းတင်းကျပ်ကျပ်ပင် ပြန်ဖက်၏ ။ သို့သော် သိပ်မကြာပါ ။ကျွန်တော်ကို အသာတွန်းဖယ်ပြီး ရုတ်တရက် ထရပ်လိုက်၏ ။ ပြီးတော့ မီးခလုပ်ကို လှမ်းပိတ်၏ ကျွန်တော် အရိပ်အခြည်ကို ကောင်းကောင်းနားလည်လိုက်ပါသည်။ သြော်...သူအိပ်ချင်ရှာပြီကိုး ။ ကျွန်တော် သနားစိတ်ဖြင့် ထပြန်ခဲ့ပါသည်။

ပုံမှန်နေအထား
"ဟဲ့...နင့်ချစ်သူက နင့်ကို နမ်းတဲ့အခါ သူ့မျက်နှာ ဘယ်လိုဖြစ်နေသလဲ၊ ပြောပြစမ်းပါဟယ် "
"ဘယ်သိမှာလဲ ၊ ငါက မအနမ်းခံရတိုင်း မျက်စိကို စုံမှိတ်ထားတာဟဲ့ "

အဖျားရှူးဇတ်သိမ်း
ပရိဘောက ဆိုင်ကြီးတစ်ခုကို ပိုင်သူတစ်ဦးသည် ပြန်လည်ရောင်းချဖို့ ပရိဘောကများဝယ်ယူရန် နယူးယေက်သို့ရောက်လာခဲ့လေသည်။ သူတည်းသော ဟိုတယ် ဓာတ်လှေခါးထဲ၌ တစ်နေ့တွင် တကယ်လှ တကယ်ချောသော မိန်းမပျိုလေးတစ်ဦး နှင့် တွေရ၏ ။ မိန်းမပျိုးလေးက ပြင်သစ်မလေး ဆိုတော့ တစ်ယောက် ဘာသာစကားကို တစ်ယောက်နားမလည်။ ထိုကြောင့်သူက မှတ်စုစာအုပ်လေးကို ထုတ်ပြီး အငှားကားပုံ ဆွဲပြလိုက်လေ၏ ။ ကောင်မလေးကခေါင်းညိတ်၏ထိုနောက် သူတို့အငှားကားတစ်စီးငှားကာ အတူစီးပြီး စားသောက်ဆိုင်တစ်ခုသို့သွားကြလေ၏ ။ စာသောက်ဆိုင်တွင် စားသောက်နေကြရင်း သူဌေးကြီးက စာရွက်ပေါ်တွင် ကနေသည့် ပုံတစ်ခုဆွဲပြရာ ကောင်မလေးက သဘောတူခေါင်းညိတ်သဖြင့် သူတို့တွေ အတူကကြလေ၏။ ထိုနောက် သူတို့နှစ်ဦး ဝိုင်အတူသောက်ကြ၏ ။ ထိုအချိန်တွင် ကောင်မလေးက သူဌေးကြီးထံမှ စာရွက်နှင့်ဘောလ်ပင်ကိုတောင်းကာ ခုတင်ပုံ တစ်ခု ဆွဲပြလိုက်၏။ ထိုပုံကိုမြင်သောအခါ သူဌေးကြီးမှာ အံသြစိတ်နှင့် အတူ ပါးစပ်ကပင် ထွက်၍ ယောင်မိသည်ဟူ၏ ။ သူဌေးကြီးယောင်လိုက်သည်ကား....
"ဟာ၊ တော်လိုက်တဲ့ ပြင်သစ်မပဲ ၊ ငါပရိဘောဂ ရောင်းတယ်ဆိုတာ သူဘယ်လိုသိလဲမသိဘူး" တဲ့ ။ ကဲ့မှတ် ရော။

မရိုက်ပေါင်ရှင်
ခင်ပွန်း ။ ။မင်းကို ဟိုငနဲက ရည်းစားစကားလိုက်ပြောတာ ဘာလို့ ငြိမ်ခံခဲ့ရတာလဲ။ ပါးဆွဲပြီး ရိုက်လိုက်ပါလား။
ဇနီး ။ ။အိုတော်၊ မရိုက်နိုင်ပါဘူး ။ အပျိုလို့ အထင်ခံရ နည်းသလားရှင့်။

အိုကွယ်..ရှက်လိုက်တာ
စစ်သားလေးက သူ့ချစ်သူကို စစ်စခန်းတစ်ခုဆီသို့ အလည်ခေါ်သွား၏ ။ သူတို့ရောက်ပြီး မကြာမီ ရိုင်ဖယ်တပ်သားများ သေနတ်ပစ်လေကျင့်နေသော နေရာသို့ ကူသွားကြ၏ ။ မမျှော်လင့်ဘဲ ကျယ်လောင်သော သေနတ်ပစ်သံများကြားလိုက်ရသည့်အခါ ချစ်သူမိန်းကလေး တုန်လှုပ်လန့်ဖျပ်သွားကာ စစ်သားလေး၏ ရင်ခွင်ထဲသို ပြေးဝင်မိ၏ ။ သူ တို့နားမှ စစ်သားများ ပြုံးကြလေ၏ ။ ချစ်သူမိန်းကလေး အတော်ရှက်သွားကာ စစ်သားလေး၏ ရင်ခွင်မှရုန်းထွက်လိုက်၏ ။
"ဒီလောက်ထိ လန့်သွားမယ်လို့ မထင်မိဘူး ၊ရှက်လိုက်တာကွယ် "ထိုတွင် စစ်သားလေးက ပြုံးစိစိနှင့် ဆက်ပြောလိုက်၏ ။
"ကဲ အချစ်၊ ကိုယ်တို့ လက်နက်ကြီးတွေ လေ့ကျင့်နေတဲ့နေရာ သွားကြည့်ရအောင် " တဲ့ ။ ။