ချစ်သူများအတွက် ချစ်သူများနေ့ အမှတ်တရ (၁)

ပြီခဲ့တဲ့ တပတ် နှစ်ပတ် က တစုံတယောက်အတွက် နဲနဲ အချိန်ပေးလိုက်ရတဲ့အတွက်Blog ဘက်မလှည့် နိုင်ဘူဖြစ်သွားတယ်... လာရောက် လည်ပတ် တဲ့သူငယ်ချင်းအားလုံးကို အားလည်းနာ တယ် ကျေးှဇူးလည်းတင်ပါတယ်. ခုတော နည်းနည်း အချိန် ရတာနဲ့ post အသစ် တင်ရင်း နဲ့ သူငယ်ချင် အချို့ရဲ့ blogsတွေကို ဝင်မွှေလိုက်တယ် ...blog တွေအားလုံး တော်တော်လေးကောင်းမွန်ကြပါတယ် ခုလို ကျွန်တော် အပါအဝင်.. မြန်မာ blog လောက စိုပြည် ရှင်သန်ဖို့ မအားလပ်တဲ့ကြားကနေပြီး နည်းပညာများကိုဖြန်ဝေပေးသော၊ မေးမြန်းချက် မျာကို တခုမကျန်ပြန်လည်ဖြေကြားပေးသော ဆရာ blogger များကို ကျွန်တော် မင်းမြတ်ဖုန်းမှ အထူးကျေးဇူးတင်ပါသည်။
ခုဆိုရင် ချစ်သူများနေ့ (Valentine's Day) ကလည်း ရောက်တော့မှာ ဆိုတော့ ချစ်သူများနေ့အမှတ်တရ မြန်မာ့သွေး အဖွဲ့မှ တင်ဆက်သည့် ချစ်သူတို့ အတူဖတ်ဖို့ ဟာသများ ကို ချစ်သူရှိသူများ၊ ချစ်သူမရှိသူ များပါ အတူတကွ ဖတ်ရအောင်လို့ သူငယ်ချင်းတွေ အားလုံးကိုဝေမျှလိုက်ပါတယ်။ ရယ်မောခြင်း ဖြင့် ချစ်နိုင်ကြပါစေ။ ချစ်သူတွေအားလုံး ပျော်ရွှင်နိုင်ပါစေ...

ချစ်အဓိပ္ပါယ်
Love (အချစ်) ဟူသည်...
L... Lake of sorrow (ဝမ်းနည်းပူဆွေးရေအိုင်)
O...Ocean of tears (မျက်ရည် သမုဒ္ဒရာ)
V... Valley of death (မရဏတောင်ကြား)
E... End of live (ဘဝနိဂုံး) .......ပါတဲ့။

တုံးလို့ကြိုက်
ဧဒင်ဥယျဉ်တွင် ဖြစ်သည်။
အာဒမ်က ဘုရားသခင်ကို မေး၏ ။
"ဘာကြောင့်များ ဧဝကို သိပ်လှအောင် ဖန်တီးခဲ့ရတာလဲဘုရား"
"မင်းအာရုံစိုက်မိအောင်လို့ "
"ဘာကြောင့်များ ဧဝကို သိပ်ချိုသာအောင် ဖန်တီးခဲ့ရတာလဲဘုရား "
"ဒါမှ မင်းသူ့ကို ချစ်မိမှာပေါ့ " ဤအချက်ကို အာဒမ်သည် ခေတ္တမျှ စဉ်းစား၏ ။
"ဒါဖြင့် ဘာကြောင့်များ ဧဝကို သိပ်တုံး သိပ်အ အောင် ဖန်တီးခဲ့ရတာလဲဘုရား "
"ဒါမှပဲ မင်းကို ကြိုက်မှာပေါ့ကွာ" ဟူသတည်း ။

ငါ့ဟာကွ
ဟိုတယ်တစ်ခုမှာ နှစ်ယောက်အိပ်ခန်းကို ငှားပြီးခါမှ တစ်ယောက်ခန်းသို့ပြောင်းရွှေ့ပေးပါရန်ဟိုတယ်မန်နေဂျာက မေတ္တာရပ်ခံလာသဖြင့် ကိုမြငွေသည် တစ်ယောက်ခန်းသို့ ပြောင်းရွှေ့ပေးလိုက်ပါ၏ ။ မန်နေဂျာက ထိုအခန်းသို့ သမီးရည်းစား စုံတွဲတစ်တွဲအတွက် နေရာပေးလိုက်၏ ။မိမိနေရမည့် အခန်းသို့ရောင်သောခါမှ ယခင်အခန်းတွင် ခုတင်ခြေရင်း၌ မိမိ၏ ထီးကောက်မေ့ကျန်နေခဲ့ကြောင်း ကိုမြငွေ သတိရ၏ ။ ထိုကြေင့် ထီးပြန်ယူရန် ထိုအခန်းသို့သွားလေ၏ အခန်းအပြင်ဖက် တံခါးသို့အရောက်တွင် အတွင်းမှ သမီးရည်းစားစုံတွဲ၏ စကားပြောသံများကိုကြားရသဖြင့် ခေတ္တနားစွင့်နေမိ၏ ။
"ခင်ရယ် ၊ ဟောဒီ ရွှေရောင်ဆံပင်လှလှလေးတွေက ဘယ်သူ့ ဟာလဲဟင် "
"အို၊ မောင့်ဟာပေါ့ မောင်ကလည်း "
"ဟောဒီ သမင်မျက်လုံးလေးကရော"
"မောင့်ဟာပဲပေါ့ "
"ဒီနှင်းဆီဖူးလေးလို နှုတ်ခမ်းလေးကရောဟင် "
"မောင့်ဟာ၊ မောင့်ဟာ"
"ဒီဆင်ဆွယ်လို လက်မောင်းလေးတွေကရော"
"အို... မောင့်ဟာပဲပေါ့ " ထိုကဲ့သို့မေးလာရာ ပဉ္စငါးပါး ကုန်ခါ နီးလာ၏ ။ အပြင်ကနားထောင်နေသော ကိုမြငွေ အတော့်ကို စိုးရိမ်စိတ်ဝင်လာ၏ ။ ထိုကြောင့် အပြင်မှနေ၍ လှမ်းအော်ပြောလိုက်လေ၏ ။
"အထဲက ကျေးှဇူးရှင်လေး ၊ ကုတင်ခြေရင်းမှာ ချိတ်ထားတဲ့ ထီးကောင်ကြီးကတော့ မင်းဟာမဟုတ်ဘူးနော် ၊ အဲဒါ ငါ့ဟာကွ" တဲ့ ။ ။

ကျုပ်ကိုလည်းကုပေးပါလား
ပန်းခြံတစ်ခုအတွင်းမှ ခုံတန်းတစ်ခုတွင် သမီးရည်းစားစုံတွဲတစ်တွဲ ထိုင်နေ၏ ။ ခုံတန်း၏ တစ်ဖက်စွန်းတွင်လည်းအဘိုးအိုတစ်ဦး စာအုပ်ဖတ်နေလေ၏ ။ သမီးရည်းစားစုံတွဲ တွတ်တီးတွတ်တာပြောသမျှကို အဘိုးကြီး အတိုင်သားကြားနေရ၏ ။
"မောင်၊ ခေါင်းနည်းနည်းမူးလာတယ် "ကောင်လေးက နဖူးလေးကို နမ်းလိုက်၏ ။ ထိုနောက်
"မူးသေးလားဟင် "
"ဟင့်အင်း ၊ ပျောက်သွားပြီး "အတန်ကြာသောအခါ မိန်းကလေးက
"မောင်၊ ဇက်ကြောတွေတက်လာသလိုပဲ "။ ကောင်လေးက လည်တိုင်လေးကို ခပ်ဖွဖွနမ်းလိုက်၏ ။
"ဘယ်လိုနေသေးလဲ "
"အင်း၊ သက်သာသွားပြီး "ခဏကြာသော်...
"မောင်၊ လက်တွေကလည်း ဘယ်လိုဖြစ်တယ်မသိဘူး ၊ တဆစ်ဆစ်နဲ့ "ကောင်လေးက ဘယ်ညာလက်အစုံကို တယုတယနမ်းပေးလိုက်၏ တစ်ဖက်တွင်ထိုင်နေသော အဘိုးကြီးအတော့်ကို နားကြားပြင်းကတ်လာ၏ထိုကြောင့် လှမ်းပြောလိုက်၏
"ဟေ့ဒီမှာမောင်ရင်၊ ဖြစ်နိုင်ရင် ဦးကိုလည်း ကူညီစမ်းပါဦးကွ၊ ဦးမှာ လိပ်ခေါင်းဖြစ်နေလို့ " တဲ့ ။။